Գյումրին Հայաստանի այն բացառիկ բնակավայրերից է, որտեղ հին քաղաքը պահպանվել է գրեթե անխաթար: XIX-րդ դարում ձևավորված քաղաքային միջավայրը կարծես կենդանանում է և դառնում իրականություն, երբ քայլում ես պատմական թաղամասերի նեղլիկ փողոցներով:
«Քաղաքային ուսումնասիրությունների կենտրոն» հկ-ն արձանագրում և պահպանում է Հայաստանի հազվագյուտ բնակավայրերից մեկի՝ Գյումրու պատմական ժառանգությունը, որպես պահպանված հին քաղաքը։ Քաղաքի երիտասարդ զբոսավարների հետ միասին «Քաղաքային ուսումնասիրությունների կենտրոն»-ը մշակել է քայլարշավներ՝ այցելուներին քաղաքի արվեստի և մշակույթի երկարամյա ժառանգության մասին խորը և տեղական տեղեկատվություն տրամադրելու նպատակով, որին զուգահեռ այցելուները կարող են վայելել տեղական ավանդույթների և հումորի մասին պատմություններ։
Շրջելով յուրահատուկ և բարձրաճաշակ ավանդույթով կառուցված այս քաղաքով` Դուք հաղորդակից կդառնաք Գյումրու անկրկնելի ոգուն, բարբառին և հումորին , կստանաք հոգեհարազատ տպավորություններ, որոնք երկար կմնան Ձեր հուշերում։
