Վրանային արշավ Սիսիանից Տաթև

Վրանային արշավ Սիսիանից Տաթև նկար

Սիսիան-Լծեն-Տաթև երկօրյա արշավի ժամանակ զբոսաշրջիկները կտեսնեն բազմաթիվ մշակութային և բնության գլուխգործոցներ, կծանոթանան տեղանքի հետաքրքիր պատմությանը և կվայելեն Արցախի, Իրանի և Նախիջևանի խաչմերուկում տիրող հյուրընկալությունը: Այն ձգվում է քարքարոտ ժայռերի, թավշյա կանաչ լեռների, կիսավեր գյուղերի, հինավուրց բնակավայրերի և միջնադարյան վանքերի միջով, որոնք տրամադրում են զբոսաշրջիկներին նորանոր բացահայտումների: Այս արշավը կազմակերպվում է երիտասարդ և խանդավառ արշավորդ Կատյա Բաբայանի կողմից:

Սիսիանում կողք կողքի կարելի է տեսնել սովետական ժամանակաշրջանի վերապրուկներ, որոնք թե՛ կիսավեր են, թե՛ արդիականացված: Պատմության և մշակույթի կրող Աղիթու և Վաղատին գյուղերը հին ժամանակներից ի վեր բնակեցված են եղել հայերով: Բացահայտելով տեղաբնակների կենսակերպն ու զբաղմունքները՝ արշավորդները կարող են վայելել տեղանքի հյուրընկալությունը, ըմբոշխնել տնական ազգային ուտեստեր և թխել լավաշ: Հնարավորություն ունեն նաև հիանալ 1000-1007թթ-ին կառուցված գեղատեսիլ Որոտնավանքով, որը ժամանակին ծառայել է որպես արհեստանոց, պահեստ, վանք, առողջարան, գերեզմանատուն և պանդխտանոց: Արշավորդներին հնարավորություն կտրվի հանգստանալ Որոտանի կիրճում, որը հայտնի է իր հանքային աղբուրներով, զարմանահրաշ ստալակտիտներով, բյուրեղյա մաքուր առուներով, ժայռերով և խորը կիրճով: Վերջում արշավորդները կարող են վրանել գրեթե լքված Լծեն գյուղում, որը շատ հեռու է գտնվում հիմնական հայտնի զբոսավայրերից:

Հաջորդ օրը՝ Լծենից Տաթև տանող 15 կիլոմետր երկարություն ունեցող արշավի ընթացքում, զբոսաշրջիկները կանցնեն գեղեցիկ վայրերով և վերջում կայցելեն 9-րդ դարում կառուցված հրաշագեղ Տաթևի վանական համալիր:

Photo courtesy of Katya Babayan, My Armenia Program

Photo courtesy of Katya Babayan, My Armenia Program

Photo courtesy of Katya Babayan, My Armenia Program

Photo courtesy of Katya Babayan, My Armenia Program

Photo courtesy of Katya Babayan, My Armenia Program

Photo courtesy of Katya Babayan, My Armenia Program

Մոտակա փորձառություններ

Նմանատիպ փորձառություններ

Հետևեք նորություններին

Գրանցվեք այստեղ՝ տեղեկացված լինելու առաջիկա միջոցառումների և Հայաստանի մշակութային ժառանգության պահպանման ուղղությամբ տարվող մեր գործունեության մասին։