COVID-19 Travel Update: Learn More

Արշավ դեպի Սմբատաբերդ և գաթայի պատրաստում

Արշավ դեպի Սմբատաբերդ  և գաթայի պատրաստում  նկար

Սմբատաբերդը Վայոց ձորի մեծ ու անառիկ ամրոցներից մեկն է։ Այն կառուցված է խորը ձորերի մեջ վեր խոյացող բարձրադիր եռանկյունաձև բարձունքի վրա, և հանդիսանում է Հայաստանի ամենաուշագրավ պաշտպանական համալիրներից մեկը: Միջնադարում ունեցած կարևոր նշանակության, պատմության և ճարտարապետության շնորհիվ՝ ամրոցը հանդիսանում է այս փորձառության առանցքային մասը, որի շրջանակներում կազմակերպվում է քայլարշավ դեպի ամրոց, իսկ արշավի ավարտին Արտաբույնք գյուղում ընձեռվում է հնարավորություն մասնակցել թոնրի մեջ հայկական ավանդական գաթայի թխման վարպետաց դասին։ Արշավը կմեկնարկի Եղեգիս գյուղից, որտեղ էլ կհանդիպեք ձեր զբոսավար Վարդան Քարամյանին: Վարդանն ունի այցելուների հետ աշխատելու մեծ փորձ և առանձնակի սիրով ու հոգատարությամբ է վարում բոլոր շրջայցերը։ Նա նաև մի քանի քայլարշավային երթուղիների հեղինակ է, հետևաբար, քաջատեղյակ է մարզի բուսական և կենդանական աշխարհին, բանահյուսությանն ու պատմությանը: Նա ձեզ կներկայացնի գյուղի պատմությունը, այդ թվում՝ երբեմնի իշխանական տան նստավայր միջնադարյան Եղեգիս գյուղաքաղաքը․ ։ ներկայիս գյուղի տարածքում են գտնվում Զորաց եկեղեցին (14-րդ դար) և հրեական գերեզմանատունը։

Բարձունքը հաղթահարելուց հետո Սմբատաբերդից կբացվի հիասքանչ տեսարան դեպի շրջակա հովիտներն ու քարքարոտ լեռները՝ հիացնելով ցանկացած այցելուի։ Ամրոցը շրջապատված է երեք մետր հաստությամբ բազալտե պարիսպներով, ունի կիսաշրջանաձև աշտարակներ և միջնաբերդեր: Բերդի ընդարձակ տարածքում շրջելով՝ ձեզ կապշեցնեն ճարտարապետների համառությունն ու վարպետությունը, ովքեր ձորի երկայնքով այսպիսի հսկայական շինություն են կառուցել: Եթե ժամանակը ների, կարող եք մի փոքր առաջ շարժվել և այցելել Ցաղաց Քար վանական համալիր և Սուրբ Կարապետ եկեղեցի, որը կառուցվել է շուրջ հազար տարի առաջ՝ 1041 թվականին: Շատ տպավորիչ են հատկապես խորանի քանդակները, լուսամուտների զարդանախշ շրջանակներն ու եկեղեցու դիմաց գտնվող խաչքարերը: Այստեղից զարմանահրաշ տեսարան է բացվում դեպի Սմբատաբերդ ու Վայոց ձորի գեղատեսիլ բնաշխարհ:

Արշավը կավարտվի Սմբատաբերդի հարևանությամբ գտնվող Արտաբույնք գյուղում՝ Վարդանի պապիկի կառուցած տանը, որը Վարդանը և իր եղբայր Կարենը դարձրել են հյուրատուն՝ անվանելով այն «Այրարատ»։ Արշավից հետո կարող եք հանգստանալ Վարդանի ու Կարենի հյուրընկալ ընտանիքի հետ: Այդ ընթացքում տան տիկինը՝ Թամարան, ձեզ մասնակից կդարձնի հայկական ամենահայտնի խոհարարական ավանդույթներից մեկինը՝ թոնրի գաթա թխելու արարողությաունը: Դուք կմասնակցեք գաթայի միջուկի՝ խորիզի պատրաստման գործընթացին և բուն գաթայի պատրաստմանն ու թխմանը։ Այստեղից կհեռանաք գաթայի յուրահատուկ բաղադրատոմսով՝ հետագայում ձեր ընտանիքի և ընկերների համար պատրաստելու մտադրությամբ:

Հյուրընկալի մասին

Այրարատ հյուրատունը, որ գտնվում է Ցաղաց Քար վանական համալիր ու հայտնի միջնադարյան Սմբատաբերդ ամրոց տանող ճանապարհի վրա, պատկանում է Կարենին և Վարդանին: Տեսնելով ամրոց և վանք այցելող զբոսաշրջիկների մեծ հոսքը և մոտակայքում գիշերելու հարմարությունների բացակայությունը, ինչը խոչընդոտում էր ըստ արժանվույն գնահատել տեղի մշակույթը՝ Կարենը որոշեց հրավիրել զբոսաշրջիկներին իրենց տուն գիշերելու և գյուղական կյանքին ծանոթանալու: Սակայն հյուրատուն կառուցելու գլխավոր պատճառը Կարենի՝ այդ տնից չհեռանալու պապին տված խոստումն էր, ինչը ոգևորեց նրան հետամուտ լինել իր երազանքի իրագործմանը և վերանորոգել հյուրատունը: Նրանց հաջողության գրավականը ջերմ ու սիրալիր հյուրընկալությունն է, որի մեջ ներգրավված է իրենց ողջ ընտանիքը. Կարենը պատասխանատու է հյուրերի հետ կապերի համար, նրա եղբայր Վարդանը շրջայցեր է կազմակերպում դեպի մոտակա տեսարժան վայրեր, իսկ մայրը ստանձնել է գաթա թխելու արվեստը այցելուներին սովորեցնելու պատվավոր առաքելությունը:

My Armenia Program

My Armenia Program

My Armenia Program

My Armenia Program

My Armenia Program

My Armenia Program

My Armenia Program

Մոտակա փորձառություններ

Նմանատիպ փորձառություններ

Հետևեք նորություններին

Գրանցվեք այստեղ՝ տեղեկացված լինելու առաջիկա միջոցառումների և Հայաստանի մշակութային ժառանգության պահպանման ուղղությամբ տարվող մեր գործունեության մասին։