Շրջայց Մարիամ և Երանուհի Ասլամազյան քույրերի պատկերասրահում

Թանգարանը գտնվում է 1880 թվականին կառուցված տան ներսում, որը պատկանում էր մեծահարուստ վաճառականի: Այն մոտ է Գյումրու կենտրոնական հրապարակին և հեշտ է գտնել իր գունագեղ ցուցանակների շնորհիվ: Պատկերասրահը բացվել է 1987թ. քույրերի կողմից, ովքեր իրենց ողջ կյանքի ընթացքում նվիրել են շուրջ 620 բնօրինակ կտավներ, կերամիկայի և գրաֆիկական աշխատանքներ, որոնք այժմ ցուցադրված են այնտեղ: Հատկանշական է, որ սա Հայաստանի միակ թանգարանն է, որը կոչվել է կին նկարիչների անունով և նվիրված է կին նկարիչներին:

Ասլամազյան քույրերը ծնվել են Գյումրու մերձակայքում, սակայն տեղափոխվել են Գյումրի (այդ ժամանակ կոչվում էր Ալեքսանդրապոլ) վաղ հասակում: Առաջին հարկում ցուցադրված են կրտսեր քրոջ՝ Երանուհու աշխատանքները, ով հատկապես հայտնի է իր կերամիկական աշխատանքներով, իսկ երկրորդ հարկում՝ ավագ քրոջ՝ Մարիամի աշխատանքները: Երկու քույրերը բավական շատ են ճամփորդել, և այդ համաշխարհային ազդեցությունն արտացոլված է իրենց աշխատանքներում: Պատկերասրահում ցուցադրված նկարներից են Երանուհու՝ ջրաներկով կատարված գեղեցիկ Վենետիկը և կիմոնոյով ճապոնացի տիկնոջ գունագեղ կտավը, ինչպես նաև Մարիամի՝ հնդիկ կանանց դիմանկարները:

Ցանկության դեպքում թանգարանն առաջարկում է հայերեն, անգլերեն և ռուսերեն շրջայցեր։

From the collection of The Gallery of Mariam and Eranuhi Aslamazyan. Մարիամ և Երանուհի Ասլամազյանների պատկերասրահի հավաքածուից: