Հայաստանը Հայկական լեռնաշխարհում տեղակայված փոքր երկիր է՝ Ասիայի և Եվրոպայի խաչմերուկում: Այն քրիստոնեությունը որպես իր պետական կրոն ընդունած առաջին երկիրն է և ունի հարուստ ու կայուն մշակութային ավանդույթներ, գեղեցիկ բնաշխարհ, ինչպես նաև անցել է բարդ պատմական ուղի: Այնուամենայնիվ, Հայաստանը շատերի համար մնում է առեղծվածային:
«Իմ Հայաստան»-ը կարևորում է բանասացության դերը համայնքային տուրիզմի զարգացման միջոցով մշակութային ժառանգության կայունության ամրապնդման գործում: Սա համագործակցային ծրագիր է Հայաստանի ժողովրդի, Սմիթսոնյանի և ԱՄՆ ՄԶԳ-ի միջև, որը մեկնարկել է 2016թ.-ին` թիրախավորելով հինգ մարզեր: Այս կայքում ներկայացված են ծրագրի ձեռքբերումները:
«Իմ Հայաստան»-ն ընտրել և համադրել է իր բոլոր փորձառությունները՝ հիմնվելով Երևանի հնագիտության և ազգագրության ինստիտուտի կատարած հետազոտությունների վրա: Մեզ հետ կարող եք ծանոթանալ հայկական մշակութային ժառանգությանը տարբեր տեսանկյուններից՝ արհեստներ, պատմություն, ազգագրություն, բնություն, մշակութային վայրեր, տոնակատարություններ և, իհարկե, սնունդն ու գինին:
Ընտրելով մեր փորձառությունները` դուք ուղղակիորեն նպաստում եք տեղի համայնքների զարգացմանն ու մշակութային ժառանգության պահպանմանը:
Օգտվելով Սմիթսոնյանի փորձագետների կողմից պատրաստված ռեսուրսներից՝ կարող եք մանրամասն տեղեկություն ստանալ Հայաստանի մշակութային ժառանգության վերաբերյալ և այնուհետև պլանավորել ձեր ուղևորությունը: Արհեստների սիրահարների համար մենք պատրաստել ենք հատուկ Գնիր տեղական արտադրանք բաժինը, որտեղ հնարավոր է ծանոթանալ հայ արհեստագործ վարպետների ձեռագործ աշխատանքներին:
«Իմ Հայաստան» ծրագիրը ֆինանսավորվում է ԱՄՆ ՄԶԳ-ի կողմից և իրականացվում է Սմիթսոնյան ինստիտուտի կողմից:
Սմիթսոնյանի բանահյուսության և մշակութային ժառանգության կենտրոնում «Իմ Հայաստան» ծրագրի մասին մանրամասն տեղեկություն ստանալու նպատակով կարող եք այցելել folklife.si.edu/myarmenia կայք:
