Բացի Հայաստանի խորհրդանշական վանքերից և պատմական վայրերից կարելի է նաև ծանոթանալ հնի ու նորի համադրությամբ ստեղծագործող արհեստագործ վարպետներին, ամենամյա պարի, խոհանոցի և գինու փառատոնի տոնակատարություններին և հինավուրց բնաշխարհով անցնող արահետներին: Հայկական մշակութային ժառանգության արմատները պարուրում են ողջ երկիրը, և ուսումնասիրելով այդ հզոր մշակութային տարրերը՝ կարող եք ծանոթանալ Հայաստանի մշակութային բազմազանությանն ու կենսունակությանը:
«Իմ Հայաստան» ծրագիրը համադրել է մի քանի թեմատիկ մշակութային երթուղիներ, որոնց օգնությամբ կարող եք ծանոթանալ Հայաստանի կենդանի ժառանգությանը ձեզ հոգեհարազատ տեսանկյուններից:
