Նկարչություն խեցու վրա «Գևորգյան Սերամիքս»-ում

Վազգեն և Սաթենիկ Գևորգյանների նորարարական մոտեցումների և ստեղծագործական ձևավորումների շնորհիվ՝ Գևորգյան Սերամիքսը հնարավորություն է տալիս զբոսաշրջիկներին ծանոթանալ հայկական լեռնաշխարհի ներկայիս խեցեգործության մշակույթին: Այս տաղանդավոր ամուսնական զույգը ստեղծել է կերամիկական մշակութային գանձերի կայուն ժառանգություն, որը հետաքրքրում է թե՛ լուրջ կոլեկցիոներներին, թե՛ սովորական գնորդներին:

Գտնվելով Հայաստանի արվեստների և արհեստների մայրաքաղաք Գյումրիի երկաթուղու մոտ՝ տասը տարի առաջ հիմնադրված Գևորգյան Սերամիքսը իր հիմնադրման պահից ի վեր արժանացել է միջազգային ուշադրության: Վազգենն ու Սաթենիկը կարողացել են ստեղծել նոր ոճեր ոչ միայն իրենց հմտությունների և գեղարվեստական տեսլականների հիման վրա, այլև իրենց շրջապատող բնության՝ հատկապես տեղի բնական կավի հարուստ և բազմազան պաշարների շնորհիվ:

Զբոսաշրջիկները սովորում են պատրաստել նախշեր հնագիտական կավե առարկաներից, գունավոր կերամիկայից և ուրարտական սեպագրերից: Վազգենը նաև վերանորոգում է տարբեր հնագիտական և մշակութային ժամանակաշրջանների պատկանող հին կավե առարկաներ և պատրաստում դրանց պատճենները, որոնք վաճառում է որպես հուշանվերներ: Նրա աշխատասենյակը լի է տարբեր դեկորատիվ առարկաներով, որոնք խորհրդանշում են տարբեր դարաշրջաններ և մշակութային համոզմունքներ: Միավորելով կավն ու իրենց սերը նկարչության հանդեպ՝ Գևորգյանները ստեղծում են հայկական մշակութային ժառանգության հարատև նմուշներ։

Ծանոթացեք ձեր հյուրընկալի հետ

Վազգեն և Սաթենիկ Գևորգյանները՝ ստեղծագործ ամուսնական զույգը, համատեղել են իրենց նորարական գեղարվեստական տեսլականները կավի նկատմամբ տևական սիրո հետ՝ վերականգնելու և վերակենդանացնելու հայկական լեռնաշխարհի խեցեգործության ավանդույթներից շատերը: Վազգենը կիրառում է այս գյուղերում դեռևս նկատվող կավի մշակման և կենցաղային պարագաների արտադրության ավանդական մոտեցումները և դրանք համատեղում ժամանակակից միտումների և մեթոդների հետ, որոնք սովորաբար գալիս են իր իսկ փորձառությունից: