Քայլարշավ Լծեն գյուղից Տաթևի համալիր

Քայլարշավ Լծեն գյուղից Տաթևի համալիր  նկար

Բացահայտեք գյուղի հանգիստ կյանքը «Բասեն» հյուրանոցի սեփականատիրոջ և մենեջեր՝ Հասմիկ Ազոյանի հետ: Այս ճանապարհորդության ընթացքում` Լծենից մինչև Տաթև, կայցելեք մշակութային տեսարժան վայրեր, վայրի ծաղիկների դաշտեր և մի շարք հեռավոր գյուղեր:

Սովետական ժամանակաշրջանի ամենագնացով կուղևորվեք դեպի Լծեն՝ Սյունյաց լեռների խորքերում գտնվող մի փոքրիկ գյուղ` ճանապարհին նկատելով էկոհամակարգերի կտրուկ փոփոխություն՝ խոտածածկ բլուրներից մինչև անտառապատ լեռներ: Դուք կայցելեք նաև երկու կարևոր վայրեր՝ Որոտնավանք և Շամբի ջրամբար:

Արշավը սկսեք Լծեն գյուղից (1800 մ) և դանդաղ բարձրացեք ծովի մակարդակից 2200մ բարձրության վրա՝ նախքան Տաթև գյուղ և վանք իջնելը: Քայլարշավի ընդհանուր երկարությունը 18 կիլոմետր է, և ներառում է նաև բացօթյա ճաշ։ Հասմիկը կօգնի ձեզ խոտաբույսեր հավաքել թեյի համար: Ձեր վերջնակետը Տաթևի վանական համալիրն է, որը միջնադարյան կրոնական կարևոր հաստատություն է և ունեցել է պաշտպանական դեր՝ Մետաքսի ճանապարհի վրա իր իշխող դիրքով: Նախքան Տաթևից մինչև Հալիձոր՝ 5,7 կմ երկարությամբ աշխարհի ամենաերկար ճոպանուղով թռչելը, բացահայտեք Տաթևի վանական համալիրը Հասմիկի հետ։

Ճոպանուղու վերջում մեքենան ձեզ հետ կբերի հյուրանոց: Ցանկության դեպքում ճանապարհին հնարավոր է կազմակերպել լրացուցիչ կարճ արշավներ: Որ երթուղին էլ ընտրեք, «Բասեն» հյուրանոցի 31 վերանորոգված հյուրասենյակները կարող են ծառայել որպես հյուրընկալ տուն՝ ձեր ճանապարհորդությունների համար:

Մոտակա փորձառություններ

Նմանատիպ փորձառություններ

Հետևեք նորություններին

Գրանցվեք այստեղ՝ տեղեկացված լինելու առաջիկա միջոցառումների և Հայաստանի մշակութային ժառանգության պահպանման ուղղությամբ տարվող մեր գործունեության մասին։