«Ընկուզենու տակ»-ը՝ Վայոց ձորի Եղեգնաձոր քաղաքում հայտնի ընտանեկան հյուրատուն է, գաստրո փորձառություն և ռեստորան; Այստեղ դուք կարող եք տեղեկանալ հայկական ավանդույթների մասին, մասնակցել օղու թորման ցուցադրությանը և հետո տարբեր մրգերից ստացված օղիներ համտեսել։
Լիլիթը և Աբրահամը՝ «Ընկուզենու տակ» հյուրատան հիմնադիրները, կներկայացնեն ձեզ հուրատան և ռեստորանի պատմությանը։ Նրանց ընտանիքը ավելի քան քսան տարի հյուրընկալում էր այցելուներին, սկսած այն ժամանակվանից, երբ նրանց պապը, ով աշխատել էր շինարարության ոլորտում, սկսեց արտասահմանից եկած իր գործընկերներին հյուրընկալել: Նրանք իրենց հյուրերին ծանոթացրեցին հայկական մշակույթին՝ լավաշ և գաթա թխելով և նրանց ներգրավելով ամենօրյա գործերի մեջ` անասուններին կերակրելուց մինչ այգին խնամելը։
«Ընկուզենու տակ» հյուրատան օղիները պատրաստվում են խաղողից, սալորից, խնձորից, ծիրանից, տանձից և հատապտուղներից։ Աբրահամը կբացատրի թորման ամբողջ գործընթացը՝ պտուղը հավաքելուց մինչև թորած օղու առաջին կաթիլները: Օղու թորումը դեռ շարունակում է տարածված պրակտիկա մնալ հայկական շատ ընտանիքներում: Գրեթե յուրաքանչյուր գյուղական տուն ունի իր զավոդը (թորիչ սարքավորումը), կամ գոնե կարող է սարքավորումները փոխ առնել իրենց հարազատներից կամ հարևաններից: Քանի որ թորման գործընթացը տևում է մի քանի օր, դուք չեք կարողանա թորել ձեր սեփական օղին սկզբից մինչև վերջ: Այնուամենայնիվ, փորձառու օղի արտադրողների հետ դուք կարող եք փորձել բոլոր քայլերը և մի փոքր էլ համտեսել վերջնական արտադրանքներից։
Այցելուները կարող են նաև բացահայտել տան տարածքը, ճաշել կամ մասնակցել գաթայի պատրաստման դասին Լիլիթի և Աբրահամի հետ։
